ପୂଜ୍ୟ ସ୍ୱାମୀ ଆନନ୍ଦଜୀ ମହାରାଜ ୧୯୫୦ ମସିହା ଏପ୍ରିଲ ୧୮ ତାରିଖରେ ଓଡ଼ିଶାର ଏକ ସମ୍ଭ୍ରାନ୍ତ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିଲେ । ସ୍ୱାମୀଜୀ ସୁପ୍ରସିଦ୍ଧ ଶିକ୍ଷାନୁଷ୍ଠାନମାନଙ୍କରେ ଶିକ୍ଷା ଗ୍ରହଣ କରିଥିଲେ । ତାଙ୍କ ପିତାମାତା ତାଙ୍କୁ ଉଚ୍ଚ ଶିକ୍ଷା ପାଇଁ ବିଦେଶକୁ ପଠାଇବାର ଯୋଜନା କରିଥିଲେ ।

ମାତ୍ର ଉନବିଂଶ ବର୍ଷ ବୟସରେ, ଦିଲ୍ଲୀ ବିଶ୍ୱବିଦ୍ୟାଳୟରେ ଅଧ୍ୟୟନ କରୁଥିବା ସମୟରେ, ସ୍ୱାମୀଜୀଙ୍କ ହୃଦୟରେ ସଂସାର ପ୍ରତି ଏକ ପ୍ରବଳ ବୈରାଗ୍ୟ ଏବଂ ଜୀବନର ଗଭୀର ରହସ୍ୟକୁ ଜାଣିବା ପାଇଁ ଏକ ବ୍ୟାକୁଳ ଇଚ୍ଛା ଜାଗୃତ ହୋଇଥିଲା। ଅନ୍ତରାତ୍ମାର ଏହି ଆହ୍ୱାନରେ ପ୍ରେରିତ ହୋଇ, ସେ ତାଙ୍କ ପାଠପଢ଼ା ଛାଡ଼ି ଭାରତର ବିଭିନ୍ନ ସ୍ଥାନରେ ପରିଭ୍ରମଣ କରିଥିଲେ, ଏବଂ ଅନ୍ତରର ପରିତୃପ୍ତି ପାଇଁ କିଛି ଏକ ଅନ୍ଵେଷଣରେ ନିଜକୁ ହଜାଇ ଦେଇଥିଲେ । 

ମା’ ତାଙ୍କୁ ଗଭୀର ଅର୍ଥପୂର୍ଣ୍ଣ ଶବ୍ଦଗୁଡ଼ିକ ସହିତ ଉତ୍ତର ଦେଇଥିଲେ —

“ତୁମେ ଯେଉଁଠିକି ଯିବ, ତୁମ ମନକୁ ସାଥିରେ ନେଇକରି ଯିବ କି ନାହିଁ ?
ଯଦି ମନରେ ଶାନ୍ତି ନାହିଁ, ତେବେ ତୁମେ ଯେଉଁଠିକି ଯିବ
ସେଠାକୁ ନିଜର ମାନସିକ ଦ୍ୱନ୍ଦ୍ୱକୁ ସାଥିରେ ନେବନାହିଁ କି ?“